• Покажете некоја фотографија
  Пример:

• или пуштете го видеото: TRASH TALK: What is the Great Pacific Garbage Patch? (ЃУБРЕТО ЗБОРУВА: Што е Големата пацифичка депонија?) (2:02 минути)

Забелешка: некои изрази на англиски јазик може да бидат премногу комплицирани за вашите ученици.

Дискусија на час (15 минути)

Погледнете го видеото за микропластиката во океанот.

Забелешка: Ако некои изрази, особено „микропластиката“, се нови за учениците, погрижете се да ги објасните уште пред да го гледате видеото за да бидете уверени дека учениците ги разбираат. Исто така, може да играте „Бесилка“ за да ги објасните изразите.

Поставете прашања за дискусијата.

Објаснете дека микропластика се ситни парчиња пластика со големина помала од 5 милиметри. Може да бидат штетни за животната средина и за дивиот свет. Дискутирајте за влијанието на микропластиката врз животната средина и врз дивиот свет.

Прочитајте ја статијата заедно.

Означете ги клучните и непознатите изрази.

Материјали за дискусија

• Табла и маркери
• Проектор и пристап до интернет или
• Печатени написи (за заедно да ја прочитате статијата од Časoris).

Експеримент во мала група (15 минути)

Поделете ги учениците во мали групи.

На секоја група дадете ѝ сад со вода и пластични предмети.

При работата во нивните групи, учениците треба да ги стават пластичните предмети во водата и да ги измешаат.

Со помош на сито или цедалка, учениците треба да ја процедат водата за да видат дали има микропластика.

Со помош на лупи, учениците треба да ги испитаат пластичните предмети за да видат дали се распаднале на помали парчиња.

Групен осврт на темата:

• Што беше најтешко да се подигне од водата?
• Што да правиме со пластиката сега?
• Дали сега водата е доволно чиста за да се пушти во одводот?
• Дали јадете риба? Доколку да, што ќе се случи ако рибата којашто ја јадевте, ја јадела оваа пластика?

Материјали за експеримент

• Пластични предмети (на пр. сламки, капачиња од шишиња, пластични кеси, искршени парчиња пластика). Забелешка: Како алтернатива, семето од синап изгледа многу слично на микропластика и е добра органска замена со цел на едноставен начин да се прикаже како се однесува микропластиката.
• Вода во садови (со големина на кутија за чевли)
• Сито или цедалка
• Лупа.
  

Можете да го направите експериментот заеднички со сите ученици, освен доколку можете да ја снабдите секоја група со сите потребни материјали.

Дискусија

Учениците нека размислуваат како лично можат да ја намалат употребата на пластиката и да помогнат да се спречи создавањето микропластика. Охрабрете ги да ги споделат своите идеи со соучениците и со семејствата.

Охрабрете ги учениците да ги земат предвид придобивките и ограничувањата од користењето технологии за решавање на еколошките прашања.

Поттикнете ги учениците да ги земат предвид предностите и ограничувањата од користењето на алтернативни материјали што не се направени од пластика како решение за еколошките прашања.

• Microplastics are everywhere (Микропластиката има насекаде)
• Europe wants less plastic waste (Европа сака помалку пластичен отпад)
• How would beautiful me, the polar bears, and all the people in the world fare? (Јас, водата: Како да живееме заедно – убавата јас, поларните мечки и сите луѓе во светот?)

• Дискусија во училницата
• Експеримент на час или во групи
• Групно читање на статијата и разбирање на нови концепти
• Групен осврт на темата.

Засега ништо овде од наша страна, но можеби имате некои идеи. Би сакале да ги слушнеме.